Um okkur

Landsvirkjun Power er dótturfélag Landsvirkjunar. Hjá Landsvirkjun Power starfa um 40 manns sem flestir hafa starfað á verkfræði- og framkvæmdasviði Landsvirkjunar um árabil.

Landsvirkjun Power er ætlað að taka þátt í hvers konar fjárfestingu á sviði orkumála, þar með talið í fjárfestingum í virkjunum og raforkukerfum beint eða óbeint.

Við síðastliðin áramót var verkfræði- og framkvæmdasvið Landsvirkjunar lagt niður. Tæplega 40 starfsmenn sem þar störfuðu fluttust til nýja fyrirtækisins ásamt þeim verkefnum sem þeir hafa með höndum. Þannig mun Landsvirkjun Power sjá um að ljúka þeim verkefnum sem tengjast Kárahnjúkavirkjun og halda utan um undirbúning virkjana í neðri hluta Þjórsár og jarðhitavirkjana á Norðausturlandi.